Во Русија, до 20 ноември се примаат пријави за првиот национален натпревар „Отворен за сите“, со цел да се псочат најдобро адаптираните храмови за луѓе со инвалидитет, односно ограничени можности за движење. Иницијативата е покрената од Синодалниот оддел за хуманитарна дејност при Руската православна црква.
Целта на конкурсот е да се откријат и промовираат примери на храмови и манастири кои реализирале архитектонски, информациски или социјални промени – како адаптирани влезови, пристапни патеки, поддршка за луѓе со моторички оштетувања, но и промоција на концептот на вклучување во животот на заедницата.
Како што наведува Вероника Леонтева, раководителка на Одделот за помош на лица со попреченост, Руската православна црква веќе повеќе од 10 години ги развива праксите за пристапност и сега преку овој конкурс сака да ги сподели добрите примери.
Конкурсот има три категории: архитектонска пристапност, информациска пристапност и социјална отвореност — и ќе ги опфати не само самите храмови, туку и нивните околни простории, како неделните школи, библиотеките, трапезариите и др.
Оваа иницијатива укажува на растечкиот интерес на црквата во Русија да стане поинклузивна и да овозможи сите верници да учествуваат еднакво во богослужбениот и парохиски живот.
