Во Александруполис се одржал настан посветен на борбата против семејното насилство, организиран од Министерството за заштита на граѓаните на Грција. Настанот бил дел од националната програма под наслов „Заедно го кршиме молкот – 13 градови, заеднички фронт против семејното насилство“, под покровителство на претседателот на Републиката, Константинос Тасулас.
Министерот Хрисохоидис истакнал дека насилството претставува глобален феномен што зема сè поголем замав, не само во грчкото општество, туку и во светски рамки, а особено загрижува порастот на насилството меѓу малолетниците.
Посебно внимание привлекло обраќањето на митрополитот на Александруполис, г. Антим, кој ја насочил темата кон духовната и личната одговорност на секој човек.
„Тие што вршат насилство не се чудовишта што се некаде далеку — тие се во нас. Ние самите сме. Кога не знаеме како да ја изразиме љубовта, тагата или навредата, тогаш реагираме со насилство. Треба најпрво да внимаваме на себе, а потоа државата и полицијата да преземат мерки за да се прекине страдањето,“ порачал митрополитот.
Во своето завршно обраќање, тој се обратил пред сè кон учениците присутни на настанот, нагласувајќи дека денес е прекупотребно повторно да се научи вистинската смисла на љубовта:
„Да љубиш — значи да даваш и да ти се дава, не да земаш. Да разбереш, да простиш, и кога ја изразуваш љубовта — да не го задушуваш човекот што го прегрнуваш. Зашто ако го прегрнеш премногу силно, можеш да го задушиш.“
Настанот во Александруполис испрати силна порака дека борбата против семејното насилство не е само институционална, туку и духовна и општествена обврска — борба за враќање на човечноста и љубовта како темелни вредности на заедницата.
