Во Бигорскиот манастир, со благослов на игуменот, епископот Антаниски г. Партениј, а во соработка со Црвениот крст на Република Македонија, како манифестација на човекољубие и солидарност, била организиранакрводарителска акција под мотото „Подари капка живот“.
Во акцијата учество земале членови на монашкото братство, жители од околните места, како и поклоници и посетители на манастирот, при што во релативно краток временски период, биле собрани над триесет единици крв – односно, како што се наведува во соопштението од манастирот, „триесет капки надеж и можности за спасување животи“.
Манастирот испратил јавна благодарност до организаторите и до сите хумани лица кои ја отвориле својата рака и срце. Овој настан покажува дека Бигорскиот манастир останува дом каде што милосрдието се претвора во радост, а радоста – во заеднички благослов.
