На првиот ден од новата година, патријархот Теодор II од Александрија и цела Африка го посети коптскиот папа Тавадро II во церемонијална и братска новогодишна посета.
Средбата се одржа во коптската православна катедрала на Светиот апостол и евангелист Марко во Александрија, во топла атмосфера обележана со духовна радост и искрена добра волја.
Поврзани со долгогодишен однос на братско пријателство, двајцата ретстојатели разменија честитки за 2026 година и водеа искрени и почитувачки разговори за прашања од заеднички интерес. Тие, исто така, ја изразија својата заедничка пастирска грижа, заедно со цврста надеж за мир, стабилност и духовен напредок за народите во регионот во време на растечки предизвици и тешкотии, пишува Ортодокс Тајмс.
Посебен акцент беше ставен на важноста на христијанското сведоштво, братската соработка и мирниот соживот како столбови на социјалната кохезија и културата на помирување и солидарност.
Посетата уште еднаш го нагласи духот на меѓусебна доверба и братско почитување што ги карактеризира односите меѓу двете Цркви, пренесувајќи јасна порака за единство, дијалог и споделена одговорност во денешниот свет.
