Минатата недела, во едно интервју, ми беше поставено прашањето: Колку влијание има Патријархот Кирил од Руската православна црква во Русија и во христијанството воопшто, на светската сцена? Дали неговите негативни ставови за „Западот“ како „сатански“ и лишен од „морални вредности“, и за војната на Русија против Украина како „света војна“, имаат некакво влијание врз христијаните во денешниот свет?
По интервјуто, продолжив да размислувам за ова прашање додека ја гледав божиќната честитка на патријархот објавена вчера на YouTube (долга само 2 минути): Има 4.200 прегледи и 323 лајкови. Да напоменеме дека Руската православна црква се гордее со 160 милиони верници и околу 34.000 свештеници. Затоа е малку изненадувачки што само 4.200 од нив ја гледале неговата 2-минутна божиќна порака, а само 323 ја лајкнале.
Го гледав и неговото традиционално божиќно интервју (33 минути), исто така објавено вчера: вечерва има околу 10.000 прегледи и (во овој момент) 672 лајкови. Повторно, тоа е прилично ниско за толку голема црква, нели? Дали е тоа затоа што во ова „божиќно“ интервју, како и на други места, тој постојано се враќа на темата за „подвиг“ и „жртва“ за татковината и љубовта кон татковината, како она што „го воздигнува човекот“, „ја развива цивилизацијата“, „највисоката манифестација на човечката душа“ итн.?
Да бидам искрена, тој го споменува Божиќ во последните три минути затоа што новинарот го прашува директно за тоа. Но, патријархот не го споменува Исус Христос никаде во ова интервју, дури ни како одговор на прашањето за Божиќ, освен ако не сум пропуштила нешто. Тој цитира: „Бог е со нас, разберете, вие незнабошци, и покајте се: Бог е со нас“. Но, од сите цитати од божикните служби, овој едноставно ја продолжува главната идеја што ја нагласува во остатокот од интервјуто, за „подвигот“ и „жртвата“ на Русија во нејзината борба против „народите“ на Западот. Можеби луѓето би сакале да слушнат повеќе за Исус Христос на Божик од својот патријарх?
