Српската православна црква продолжува да не ги раздвојува македонските од српските владици во јавните известувања. Официјалната црковна телевизија на СПЦ, ТВ Храм известуваше за литургијата во Сремски Карловци, што ја служеше владиката Петар, но воопшто не дефинира на која црква е тој владика.
-Со светата архијерејска литургија началствуваше Митрополитот преспанско-пелагониски Петар во сослужение со Митрополитот сремски Василије, Епископот осечко-полски и барањски Херуви, многобројно свештенство…., почнува веста на Тв Храм. Вака формулираните извештаи на СПЦ укажуваат дека Петар, Василије и Херувим се од една иста црква, во случајот најверојатно СПЦ, бидејќи се на територија на СПЦ.
Ова не е прв случај, напротив СПЦ и во официјалните соопштенија на церковниот сајт користи иста формулација. Религија.мк, многупати реагираше на ваквиот начин на известување, по што во еден период имаше измени, па некои владици беа дефинирани дека се од МПЦ-ОА. Но, очигледно дека праксата продолжува.
За да биде трагедијата поголема, сајтот на Преспанско-пелагониската епархија само ја препишал веста од ТВ. Храм, па и во сопствената вест не напишале дека Петар е владика на МПЦ-ОА.
П.с. Или пак тие нешто знаат, што јавноста не го знае.
