Рускиот патријарх испратил порака: Статусот на МПЦ мора да се реши

Руската православна црква никогаш не се откажа од напорите за решавање  на спорот кој СПЦ и го наметна македонската православна црква. Ова е пораката на Рускиот Патријарх Кирил, што во Скопје денеска ја пренесе неговиот викарен епископ Тихон.

-Раната која и е нанесена на Македонската црква треба со заедничка помош од целиот православен свет да биде излекувана. МПЦ има многу што да му подари на православието, смета рускиот Патријарх.

– Секако не треба да биде замолчен овој апсурден, многу сензитивен момент, мислам за статус квото во прашањето за Македонската православна црква. Тоа треба да биде заедничка болка на целиот православен свет. Многу разговаравме за тоа со неговото блаженство, со претседателот, со претставници на МПЦ и сите сме длабоко убедени дека оваа рана на целото православие треба да биде излекувана. Патријархот Кирил и неговиот најблизок помошник, митрополитот Иларион овие денови ми се јави и ме замоли да ви пренесам дека Руската православна никогаш не отстапи од напорите да ја излечи таа болест, рече епископот Тихон.

Православните во Русија и во многу други земји, додаде епископот Тихон, со огромен интерес ќе дознаат за вашата земја, за македонскиот народ и за Македонската православна црква.

Поврзани написи:

Велигденско – мајски продолжен викенд Свети Климент ја сочува македонската самобитност Деканот на Богословскиот факултет на МПЦ ќе ја промовира книгата на рускиот епископ Митрополитот Тимотеј го изненадил владиката Пимен организирајќи му роденденска прослава