Во Холандија, од учебната 2025-2026 година ќе се воведе нова тригодишна пилот-програма каде што предметот „Православно христијанство“ ќе може да се учи како изборна програма во јавните училишта.
За формирање на одделение, ќе биде потребно да се пријават најмалку три деца од исто училиште, при штодиректорот на училиштето ќе го извести Центарот за формативно образование, кој посредува меѓу училиштата, Министерството за образование и официјално признатите верски конфесии.
Оваа можност се должи на реалноста што Православието е осма по бројност официјално призната конфесија во Холандија. Наставата ќе се одвива еднаш неделно, а ќе биде дадена можност и ученици од други верски заедници да се пријават за следење на предметот.
За да бидат акредитирани, наставниците мора да имаат диплома од православен теолошка факултет, да поминат прво ниво на психо-педагошки наставен модул, да зборуваат холандски на минимум Б2 ниво и да имаат најмалку две години искуство во настава.
Како што нагласи отец Јон Луга, кој е претставник на Митрополијата на Западна и Јужна Европа при Црквата на Романија, предизвикот е голем: формирање на наставен кадар, креирање на методологија и информирање на родителите и децата за можноста да го изберат овој предмет.
