Хрватскиот кардинал, Јосип Божаниќ заедно со тројца бискупи на католичката црква од Хрватска имал средба со Папата Франциск. Главната тема, како што пишуваат хрватските медиуми била канонизацијата на Алојзе Степинац.
Божаниќ и бискупите побарале средба со Папата и минатиот четврток во Ватикан тој ги примил. Делегацијата на католичката црква од Хрватска сакала да му ги објасни лично позициите на Папата, откако тоа претходно во два наврати писмени, а потоа и на средба во Ватикан го направи Српската православна црква.
СПЦ остро се спротивстави на идејата на Хрватската католичка црква за прогласување на Алојзе Степинац, кардинал од втората светска војна за светец, поради неговото контроверзно минато и соработка на усташкото движење и властите на НДХ.
