Почетна Верски буквар Зошто велигденскиот пост има многу имиња
Зошто велигденскиот пост има многу имиња

Зошто велигденскиот пост има многу имиња

204
0

Што е постот? Зошто и како се пости? Историјат и поуки, за постот и исхраната, за постот и духовноста. Сите најзначајни аспекти на овие делови во овие Велигденски пости, за „МИА“, ги објаснува универзитетскиот професор и еден од најеминентните теолози во Македонија, Ратомир Грозданоски.

 „Религија.мк“, преку верскиот буквар, ги пренесува овие верски поуки на професорот Грозданоски.

Имиња на постот

Тоа е пост со повеќе имиња – повеќеимен пост. Се нарекува:

Велигденски пост – затоа што завршува на Велигден и значи подготовка за Празникот.

Воскресенски пост – заради празникот на Христовото воскресение.

Пасхален пост – бидејќи е пост пред Пасха, како што се нарекува Велигден – Новата Пасха или Новозаветна Пасха.

Велики пост – заради големото значење на постот и на празникот Велигден.

Четириесетница – Велика или Света Четириесетница – затоа што трае четириесет дена (од Чист понеделник до Лазарова сабота). И Господ Исус Христос постел 40 дена (Матеј 4,2; Лука 4,2).

Чесен пост – бидејќи го опфаќа времето на Христовото распнување на Чесниот крст.

Најдолг пост – според должината на постењето. Тоа е најдолгиот пост.

Најголем пост – според важноста, во однос на другите повеќедневни пости.

Најстрог пост – меѓу останатите постења – најстрог според исхраната и воздржувањето, а и според богослужбите.

Проф. др. Ратомир Грозданоски

 

 

НАПИШИ КОМЕНТАР

Your email address will not be published. Required fields are marked *