Како и останатите учесници на овие локлани избори, денеска својата кампања ја завршија и кандидатите за советници во општина Центар од независната листа Зевзек за Центар.
Нивниот пристап со хумор и сатира дефинитивно беше најоригинален и најпрепознатлив за овие локални избори.
Нешто ново, досега невидено на македонската политичка сцена.
Во тој стил е и нивниот финален спот во кој се појавуваат неколку од кандидатите за советници.
Листата Зевзек за Центар под број 75 ја предводи новинарот Горан Ѓуровски, а на нејзе се еминентни ликови од општина Центар, но и млади талентирани, меѓу нив и математичарката Бубе Маниќ.
Низ хумор и сатира, оваа листа не само што ја отсликува политичката реалност, туку ги презентираше и своите адути како програма, наречена 100 грама центарска програма.
Без разлика на стилот на презентација, таму има многу реални и квалитетни решенија.
