Во Манастирот „Свети Димитрија“ кај Велес денеска велешките занаетчии традиционално го прославија празникот Свети Василиј Велики-Василица, кој го имаат иманувано за свој заштитник.
На прославата се поделило е лепче со паричка, а целиот обред го водел свештеникот Јани Мулев од повардарската епархија.
Традиционално, како и секоја година се собраа стотина велешки занаетчии, а на оној кој му се падна паричето му останува догодина да биде нов кум на прославата-додава свештеникот Јани.
Според велешките занаетчии, оваа прослава на светецот Василиј Велики е постара од 100 години.
Инаку, Велес некогаш бил занаетчиски центар во Македонија со голем број на стари занаети од кои многу изумреле по напливот на модерната технологија.
Денес некои знааети иако во помал обем, сепак опстојуваат, а почнале да се развиваат и нови занаети, кои се во согласност со потребите на модерниот пазар.
