Благодатниот оган од Ерусалим и годинава ја зголеми радоста за чествувањето на Христовото Воскресение Велигден во Бигорскиот манастир. Огромен број верници цела ноќ ја поминаа во Богослужбата, што ја служеше епископот Антаниски Партениј.
-Ова ноќоденство Бигорски во полнота ја живее светлината на светото и славно Воскресение Христово. Ликот на нашиот возљубен Старец, Епископот Антаниски г. Партениј, како од огледало ја одразуваше таа таинствена светлина од Светата Пасха и реалноста од обновениот живот во Воскреснатиот. Изразот на неговото лице носеше јасна порака: да ги носиме пасхалните светлина и радост во секојдневието, да бидеме сведоци на таа непобедлива љубов. Нашиот живот да биде одраз на таа вечна радост, како што беше во ова воскресенско утро, велат од Бигорски,
