Во спомен на Јом Ашоа
Еврејската заедница во Македонија го одбележа Јом Ашоа, националниот комеморативен ден на холокаустот, во спомен на востанието на Евреите во Варшавското гето во 1943 година.
Со палење меморијални свеќи беа одбележани 73 години од востанието и смртта на шест милиони евреи во Варшавското гето. Денешниот ден е ден на херојството достоинството и непокорот на човекот, вели директорот на Музејот на холокаустот, Горан Садикарио.
Наместо омраза, да завладеат разум, договор и почит, порача претседателот на Еврејската заедница, Берта Романо Николиќ. Рече дека сеќавањето не смее да престане, тоа треба да е опомена за идните генерации.
Во Музејот на холокаустот беше поставена и детска изложба како дел од проектот „Толеранција, дијалог и соработка“ .