Почетна Вера Во Битола се слави заштитникот на градот Свети Нектариј Битолски
Во Битола се слави заштитникот на градот Свети Нектариј Битолски

Во Битола се слави заштитникот на градот Свети Нектариј Битолски

448
0

Со голема литија од Црквата Свети Димитрија, низ улиците и Широк сокак, Битола утре ќе го одбележи 18 декември денот на преподобниот Нектариј Битолски, заштитник на градот Битола.

bitola-litijaСпоред востановената традиција и одлуката на општинскиот Совет за прогласување на Свети Нектариј Битолски за заштитник на градот, локалната самоуправа и Преспанско-пелагониската епархија со повеќе програмски активности ќе го одбележат денот на македонскиот светец од 15. век, роден битолчанец кој својот живот го завршил на 5 декември во 1500 година, сметано според стариот црковен календар.

– Пригодната програма почнува утрово во 8.30 часот со литургија која ќе се одржи во црквата свети Великомаченик Димитриј, а потоа во 10.30 часот од оваа црква, низ улиците на Битола и на Широк сокак ќе се одржи литија. Напладне во општината ќе се одржи традиционалната средба меѓу градоначалникот Владимир Талески и митрополитот преспанско­пелагониски и администратор австралиско­новозеландски г. Петар, а во 18 часот во битолскиот театар ќе бидат емитуван документарниот филм, а црковните хорови „Свети Нектариј Битолски“­ Битола, „Света Петка“­Прилеп и „Свети Ахил Преспански“­Ресен ќе изведат програма со духовна музика, информираа од битолската локалната самоуправа.

Според преданијата, македонскиот светец учел од своите учители Дионисиј и Филотеј кои го замонашиле и од нив го добил името Нектариј. Својот богоугоден живот го живеел и завршил на Света Гора, а пет години по неговата смрт, неговите ученици и следбеници го отвориле неговиот гроб за да му ги пренесат моштите и забележале дека тие не биле распаднати, а потоа ги положиле во ковчег на кој што бил направен релјеф со неговиот лик. Ковчегот со моштите на Свети Нектариј Битолски и денес се чува на Света Гора.

НАПИШИ КОМЕНТАР

Your email address will not be published. Required fields are marked *