Почетна Вера Еврејска заедница Во Битола се одбележаа 77 години од депортацијата на над 3000 Евреи во логорите на смртта
Во Битола се одбележаа 77 години од депортацијата на над 3000 Евреи во логорите на смртта

Во Битола се одбележаа 77 години од депортацијата на над 3000 Евреи во логорите на смртта

81
0

Денеска во Битола беа одбележани 77 години од депортацијата на над 3000 битолски Евреи. За да оддаде почит, во Битола дојде и познатата американска ладино пејачка Сара Ароестe, која има потекло од старо битолско еврејско семејство чија куќа е една од најрепрезентативните на Широк Сокак.

-Живеам во Соединетите американски држави, но моето срце е во Битола. Тука е роден мојот дедо и поголемиот дел од моето семејство доаѓа од Битола. За жал, после Втората светска војна поголемиот дел од моето семејство беше убиено, но се уште имам една роднина која е се уште жива, оваа година ќе наполни 103 години. Таа е инспирација, има многу сеќавања за Битола и ми ги пренесува приказните мене и на моите деца. Овде сум денес во нејзино име да оддадам почит на нејзиното семејство кое беше убиено и на сите Сефарди од Македонија кои не преживеаја, изјави САРА АРОЕСТЕ.

Еврејската заедница оставила голем печат врз животот на битолчани.

-Но она што го оставиле низ архитектурата, но и низ нивното живеење и преданијата, навиките и обичаите кои ги негувале се уште како трагови се присутни во нашиот град, и тоа е добро затоа што не потсетуваат за нивното постоење на нивните простори, изјави НАТАША ПЕТРОВСКА, ГРАДОНАЧАЛНИК НА БИТОЛА.

Вкупно 7144 Евреи од Битола, Скопје и Штип пред 77 години беа депортирани во логорот Треблинка.

НАПИШИ КОМЕНТАР

Your email address will not be published. Required fields are marked *