Почетна Вести Христијанство Владиката Петар проговори за приведувањето на аеродромот во Скопје

Владиката Петар проговори за приведувањето на аеродромот во Скопје

277
1

Ангажирав бранител и јас многу нема да објаснувам за случајот на aеродромот. Не патував за Австралија, туку на друго место, изјави владиката Петар одговарајќи на новинарско прашање да го објасни завчерашниот случај на аеродромот во Скопје кога беше приведен и испрашуван од финансиската полиција. Владиката Петар денеска служеше света литургија на манастирот „Свети Архангел Михаил“ во Варош во Прилеп по повод празникот Источен петок-Балаклија.

„Адвокатот Љубомир Михајловски-Џанго го ангажирав бидејќи бев приведен, лишен од слобода и испрашуван. Јасно им реков дека имам свој адвокат и без него нема да кажам ниту збор. Мојот адвокат им покажа и им докажа дека направиле грешка во својата постапка и дека тоа не смееле да го направат, а тие се извинија“, рече владиката Петар.

На новинарското прашање дека тоа го спречило да патува во Австралија, владиката Петар изјави дека не патувал на овој континент.

„Не патував за Австралија, туку на друго место. Бев спречен да го искористам моето право да летам со авионот, но затоа со следниот авион летав. И синоќа кога се вратив повторно ми се извинија за случајот на аеродромот“, изјави владиката Петар.

Коментар(1)

  1. Се има впечаток дека ги апсат сите позначајни јавни личности што ѝ пречат на сегашната предавничка и марионетска власт во исполнувањето на антимакедонскиот проект за промена на името на нашата држава и за подигање на албанскиот јазик на рамниште на службен јазик во Република Македонија, на штета на мирот, благосостојбата и напредокот на македонскиот народ на она што останало од неговото родно огниште.

НАПИШИ КОМЕНТАР

Your email address will not be published. Required fields are marked *