Владиците Агатангел и Јосиф на ручек со штитениците од центарот „Порака Неготино“
521
0
Митрополитот Повардарски г. Агатангел организирал дружење и ручек со штитениците и претставниците на Центарот за помош на лица со ментален хендикеп „ПОРАКА НЕГОТИНО“ од Неготино.
Средбата била во манастирот „Св. вмч. Ѓорѓи“ во Неготино, а на неа присуствувал Митрополитот Тетовско-гостиварски г. Јосиф.
-Митрополитот Повардарски г. Агатангел, во рамките на својата хуманитарно-мисионерска дејност, има активна соработка со повеќе здруженија на лица со посебни потреби, при што неколку пати во годината се организираат екскурзии и средби од ваков тип, кои имаат за цел овие лица да ја почуствуваат љубовта Христова и љубовта и закрилата на нашата света Македонска православна црква, велат од Повардарската епархија.