Почетна На иста страна Верските лидери кај Пендаровски: За празниците верниците безусловно да ги почитуваат мерките за заштита од ковид-19
Верските лидери кај Пендаровски: За празниците верниците безусловно да ги почитуваат мерките за заштита од ковид-19

Верските лидери кај Пендаровски: За празниците верниците безусловно да ги почитуваат мерките за заштита од ковид-19

144
0

Претстојните велигденски и рамазански празници и условите во кои поради пандемијата на ковид-19 и оваа година ќе биде неопходна претпазливост на верниците при празнувањето во верските објекти во државата беа тема на разговор на денешната средба на претседателот Стево Пендаровски со поглаварите и претставниците на верските заедници наведени во Уставот.

На средбата со Пендаровски присуствуваа поглаварот на Македонската Православна Црква – Охридска Архиепископија, г.г. Стефан, поглаварот на Исламската верска заедница, реис-ул-улема х. хфз. Шаќир еф. Фетаху, Скопски бискуп и епарх Скопски и Струмички, Киро Стојанов, суперинтендентот на Евангелско – методистичката црква, Марјан Димов, како и Даријан Сотировски, директор на Комисијата за односи со верските заедници и религиозни групи.

Како што соопштија од кабинетот на Пендаровски, тој укажал на важноста на улогата на поглаварите на верските заедници, како во негувањето на соживотот што е важен предуслов за просперитет и напредок на државата, така и на важноста на нивните постапки во време на пандемијата на ковид-19.

„Поглаварите и претставниците на верските заедници упатија апел до верниците за внимателно и одговорно однесување, сериозно и безусловно почитување на мерките и препораките од здравствените власти, за да се заштитат себе си и оние кои ќе одлучат оваа година да ги посетат храмовите по повод празниците, како и за неопходноста од вакцинација на граѓаните“, се наведува во соопштението.

И претседателот Пендаровски ги повика сите граѓани на одговорно и совесно однесување за време на празнувањето на претстојните верски празници.

НАПИШИ КОМЕНТАР

Your email address will not be published. Required fields are marked *