Вселенскиот Патријарх Вартоломеј прв на кого му се заблагодарил за молитвите за Светиот и Голем Собор, пред официјалниот почеток на работата бил Папата Франциск, пишува Радио Ватикан.
Пред да го почне своето воведно излагање, Вселенскиот патријарх го спомена сите кои го поддржуваат овој Собор, меѓу нив и папата Франциск за неговиот повик, ден претходно на плоштадот „Свети Петар“, Католиците да се молат за успешен Собор на Православната црква.
И покрај нашите разлики ние, православните треба да нагласиме дека единствениот пат по кој треба да одиме во светот е единството. Се разбира, тоа бара жива жртва, напорна работа и тешка борба за да не се оддалечиме од него. Несомнено, овој Собор ќе придонесе во таа насока, создавајќи – со помош на Светиот Дух и искрен и конструктивен дијалог – една атмосфера на доверба и меѓусебно разбирање, изјавил Вартоломеј.
