Српските владици прават список на убиени Срби во геноцид
Српската православна црква преку своите епархии во светот се вклучува во процесот за собирање на податоци за настраданите Срби за време на воените конфликти во Втората Светска Војна од 1941 до 1945, како и за време на војните од 1991 до 1995 година.
Таква одлука донел Синодот на СПЦ, кој побарал активно вклучување на сите Архиереи и епархии за да се помогне во српскиот меморијал, на едно место да се соберат сите податоци и да бидат објавени сите списоци на пострадани Срби.
-Податоците со имињата на српските жртви во војните од XX век, кои владиците со помош на своето свештенство ги собираат ќе бидат доставени до Светиот Архиерејски Синод, по што Синодот собраните податоци ќе ги достави на располагање на Организацијата за подигање на меморијален центар на српските жртви од геноцидите во XX век, пишува во соопштението на оваа организација.
/РЕЛИГИЈА.МК