Македонската православна црква Охридска Архиепископија, Преспанско-Пелагониската православна Епархија и манастирот „Св. Јован Претеча“-Слепче в сабота и в недела ќе ја одржат канонизацијата на преподобномаченичката Стефанида Битолско-Скадарска.
Прославата за впишувањето во списокот на Светите ќе почне од утре, сабота, 29 јуни со вечерна богослужба во манастирската црква „Св. Јован Претеча“ во Слепче и последен Парастос за Светителката. Објавувањето на одлуката на САС на МПЦ-ОА ќе се случи в недела на 30 јуни, во Соборниот храм „Св. Великомаченик Димитриј“во Битола од 8.30 часот.
На Канонизацијата на Светата преподобномаченичка Стефанида се очекува присуството на Поглаварот на СПЦ Патријархот Порфириј и Поглаварот на МПЦ-ОА Архиепископот Стефан, архиереи и свештенослужители од МПЦ-ОА, како и високи црковни делегации од странство, велат од епархијата.
Животот на Стефанида од 1933 година започнува со протераните и жртвите на војните. Се населила во Метохија. Во манастирот Дечани со неа често разговори водел кралот Стефан Дечански. Добила повик од Надежда Аџиќ за да се приклучи на хуманитарнта дејност на сиропиталиштето Богдај. Оттогаш живеела во Битола. Во 1944 година, за време на наредбата за затемнување на градот, таа го оставила своето кандило запалено. Војници влегле кај неа и крвнички ја претепале, на Велики Петок. Погребана била во манастирот во Крстоар. Нејзините мошти се откриле во 1998 година, кога биле пренесени во слепченскиот манастир.
