Главен приоритет на новиот директор на Комисијата за односи со верските заедници и религиозни групи, Даријан Сотировски ќе биде создавање на атмосфера на соработка, компромиси и доверба меѓу верските заедници.
Сотировски кој денеска ја презел директорската функција, вели дека КОВЗРГ ќе штити начелото на секуларност на државата и верските слободи и права на граѓаните.
КОВЗРГ во следниот период посветено ќе работи низ сеопфатен процес да создаде атмосфера на соработка, компромис и доверба меѓу верските заедници. Државата ќе покаже зголемена грижа за состојбите со кои се соочуваат верските заедници и сервисно ќе одговори на нивните потреби согласно Закон. КОВЗРГ ќе ги штити уставното начело на секуларност на државата и верските слободи и права на граѓаните, вели Даријан Сотировски, директор на КОВЗРГ.
