Скандалозен потег на владиката Агатангел – благослови формирање на политичка партија

Извесна „Македонска фаланга“, како партија во формирање добила благослов за нејзино органиозирање од Повардарскиот Митрополит г. Агатангел.

Информацијата ја сподели Жарко Христијанско Братсво на фејсбук. Заедно со видеото на кое се гледаат неколку членови, најверојатно основачи на партијата, кои добиваат благослов од владиката на МПЦ-ОА.

-МАКЕДОНСКА ФАЛАНГА Е БЛАГОСЛОВЕНА ! ( Македонска партија во формирање)

Кога ја зборувате вистината. Кога имате искрено срце и намера за Македонија и македонскиот народ. Тогаш имате доблест да клекнете и побарате милост од Господ и Благослов од Владика. И имате срце да се заколнете на свето место.

ОГРОМНА БЛАГОДАРНОСТ ДО ВЛАДИКАТА АГАТАНГЕЛ. ВИ ВЕТУВАМ ДЕКА И ПО ЦЕНА И НА СВОЈОТ ЖИВОТ, НЕМА НИКОГАШ ДА ВЕ РАЗОЧАРАМ И ИЗНЕВЕРАМ НА МОЈАТА ДАДЕНА ЗАКЛЕТВА. ДА ЖИВЕЕ РЕПУБЛИКА МАКЕДОНИЈА И МАКЕДОНСКИОТ НАРОД ВО И НАДВОР ОД МАКЕДОНИЈА!, пишува во објавата на Фејсбук каде е споделено видеото.

Согласно уставото уредување на државата, Црквата и верските заедници се одвоени. Вмешувањето на верските заедници во политичките активности во Македонија секогаш предизвикувало остри реакции, но ова е прв ваков чин Владика на МПЦ-ОА, да благослови формирање на политичка партија, која се уште не е ниту регистрирана од правниот систем.