Почетна Анализа Се отвора врата Вселенската патријаршија сама да одлучи за статусот на МПЦ!
Се отвора врата Вселенската патријаршија сама да одлучи за статусот на МПЦ!

Се отвора врата Вселенската патријаршија сама да одлучи за статусот на МПЦ!

549
5

Новиот српски патријарх Порфириј го потврди предвидувањето на македонските црковни аналитичари дека ќе продолжи со истите политики кон МПЦ-ОА и дека со неговото устоличување нема да се направи големо поместување во досегашните позиции. Тој во неговото прво интервју по устоличувањето дадено за РТС, се осврна и кон повеќедеценискиот спор со македонската црква, за кој рече: “нема да имам ни помалку ни повеќе разбирање од моите претходници”.

–Нашата црква по Нишкиот договор најде решение за охридски архиепископ да го постави Јован, и сите православни верници имаат можност за учество во литургиски живот, но таа тема останува отворена. Верувам дека нашиот собор секогаш ќе биде спремен да се дојде до решение кое ќе биде во согласност со каноните, без какви било политички притисоци кои уште од самиот почеток на расколот, а и денес за тоа прашање ги има, изјави патријархот Порфириј кој припаѓа на тврдото крило околу епископот Бачки, Иринеј.

Но, она што остава надеж дека нашата црква набрзо ќе си го добие заслужениот статус во православниот свет е потврдата на Порфириј дека СПЦ е на страната на Руската црква во врска со случувањата околу црквата во Украина. Аналитичарот Бранко Ѓорѓевски за весникот ВЕЧЕР коментира дека токму категоричното и недвосмислено ставање на Порфириј на страната на Руската православна црква во контекст на нејзиниот судир со Вселенската патријаршија, на некој начин и оди во прилог на МПЦ. Српскиот патријарх, вели Ѓорѓевски, дури и отворено кажа дека Вселенската патријаршија ги прекршила каноните кога донела одлука во однос на Украинската православна црква.

-Тоа е остар став кон Вселенската патријаршија кој во Цариград сигурно нема да биде добро примен. Очекувано е дека од ова ќе произлезе и дека СПЦ нема да ја прифати претходно дадената покана на ВП за средба на која би требало да се решава за МПЦ. Тогаш, се отвора врата ВП сама да донесе одлука во однос на МПЦ, а што сите тука очекуваме, вели верскиот аналитичар за весникот ВЕЧЕР.

Според него, српскиот патријарх не би требало да заборави дека ВП за одлуката за Украинската православна црква добила поддршка од Грчката црква, од Кипарската архиепископија, од Александриската патријаршија. Тоа значи, појаснува, дека и тие цркви ќе ја слушнат неговата изјава и став дека „каноните се прекршени“.

-Значи ли тоа дека Порфириј и нив ги означил како прекршителите на каноните? Сигурно дека значи и не знам како ќе комуницира со нив. Ваквата негова изјава и став ја позиционира СПЦ во блокот со Руската црква и тоа води кон уште подлабоки поделби. Мислам дека мораше да биде поумерен во тој поглед. Во секој случај, на МПЦ ова и одговара, коментира Ѓорѓевски.

Во интервјуто, на прашањето дали по примерот на украинската може да се очекува автокефалност да добијат и други цркви како македонската или црногорската, новиот српски патријарх одговара дека не е пророк за да каже што ќе се случи, но се надева дека ќе нема слични постапки како во Украина, зашто тие според него, предизвикале големи потреси во односите меѓу помесните цркви и оти тоа ќе биде лекција што ќе ги отрезни сите.

–Сметаме дека постапките на Цариградската патријаршија во однос на Украина, не се во согласност со преданијата на црквата и во таа смисла можеме да кажеме дека сме на страната на Руската црква. Ние сме на страната на поредокот и каноните и тука Руската црква е обесправена, истакна Порфириј во интервјуто за РТС.

Новиот патријарх на СПЦ е 46. патријарх на СПЦ, го наследи патријархот Иринеј, кој почина пред три месеци од компликации на ковид-19. Тој и пред изборот беше во најтесниот круг на фаворити, важи за близок до струјата на Иринеј Бачки, а дел од српските медиуми го посочуваа како епископ кој не ја криел блискоста со актуелната српска влада, особено со претседателот Александар Вучиќ.

/дневен весник вечер

Коментар(5)

  1. Да ли неко озбиљно мисли да ће Грци подржати МПЦ? Па на сваком месту у свим грчким црквеним сајтовима МПЦ се назива “црква Скопља” .
    Будимо реални. Ситуација у Украјини и у Македонији се не могу упоредити.
    Зашто је онда МПЦ одбила да учествује у разговорима уз посредовање ВП? А узда се у ту исту Васељенску патријаршију.

  2. Vselenskata patrijarsija gi krsi site kanonski normativi i koga e vo prasanje Ukrainskata crkva i crkvaa vo dijaspora. Na nea voopsto ne i e nitu do MPC, nitu do Makedonija. Taa i ponatamu e pod vlijanieto na Adartite i na zvanicna Atina po toa prasanje. Vselenskata patrijarsija nema pravo na dodeluvanje na avtokefalija bez prethodna soglasnost na crkvata vo koja nastanal raskol. Vo SPC e nastanal raskol so pojava na Inicijativniot odbor na R. Makedonija i protivkanonsko formiranje na verska organizacija koja sebe se narekla crkva. Toa e raskol vo SPC, krstete go vie kako sakae. Ovoj novinar nee teolog.

  3. Добривое, дали св. Сава канонски се оддели од Охридската Архиепископија или ја искористи привелегијата што брат му Стефан Првовенчани беше зет на Теодор Втори Ласкарис. Зошто ако се беше канонски кога крал Душан стана цар а архиепископот Јоаникије патријарх ВП му фрли анатема, па ја симна кога кнез Лазар му вети помош на виз. император помош ја искинаа анатемата, зар оваа не е политика, провери во историјата на др. Душан Кашиќ

  4. Nikolaj, ne se stava novo vino vo stara vinska kozha. Bez razlika e toa sto vo minatoto imashe politichki potezi i greshki, nase e da gi resavame roabotite po Hristoviot pat. Toa znaci malku se bara od nas poniznost a ne samo vikanje vo veterot. Isto taka, bez razlika toa sto SPC ima napraveno greshki kon Makedonskiot narod, nase e se fokusirame na svoite greshki. SPC VO MOMENTOV e majka na MPC bez razlika od protolkuvanjata na istorijata. I tamu treba da si go barame chareto. Da imavme tronka pamet a ne samo da barame univerzalni prava preku sila (makar sto ovaa stranica i site podkupeni vladici se maslo na Zaev i Kale) ke razberevme deka Grchkata pozicija e tolku oslabena vo momentov vo pravoslavjeto sto MPC slobono moze da odi vo Pec i da go prifati Nishkiot pa nikoj voospto nema da ni zameri nitu ime, nitu identitet bidejki veke ne gi interesira toa sto GPC bara. No, kako obichno, kako narod sme dva chekora pozadi pozicijata na sila. Ne ne biva. Nie barame samo da mu pogodime na gazdata.

    I bi prashal, koj(i) ja finansira ovaa stranica sto tolku vodi anti Ruski anti Srpski propaganda? Kako toa se pravime naj pravoslavni od site a frlame kamenja kon najgolemioto pravoslavno telo?

Напиши одговор на Слободан Cancel reply

Your email address will not be published. Required fields are marked *