Почетна Репортажа СДК: Се распаѓа црквата во Гопеш стара 145 години
СДК: Се распаѓа црквата во Гопеш стара 145 години

СДК: Се распаѓа црквата во Гопеш стара 145 години

214
0

Накривување на јужниот ѕид, оштетувања на куполите, како и одвојување на фрескоживописот од полукружниот свод , се нарушувања на градбата се евидентирани кај бисерот на сакралната архитектура  од 19 век во Битолско, црквата „Свето Преображение“ во село Гопеш, пишува „СДК.МК“.

gopesh2-696x522Ова е најголемиот верски храм изграден во поширокиот битолски регион, а фрескоживописот е уникатно дело на мијачкиот зограф Јосиф Радев, ученик на познатиот Дичо Зограф. Оштетувањата се последица на староста  од 145 години, изложеноста на атмосферските влијанија и влагата.

„Црквата има три куполи кои се на силен удар на временските непогоди. Храмот е изграден во 1871 година во висок планински предел на 1.100 метри надморска височина. На такви високи места обично не се ставаат куполи. Но тука ги има, па се појави потреба од реставрација на целиот куполен простор“, вели Ристо Палигора, советник конзерватор во битолскиот Завод и музеј.

gopesh3-696x52290 икони со кои црквата била украсена внатре и фреските биле сликани 26 години. Педесетте икони кои беа украдени од црквата пред четири години не се пронајдени.

„Ние располагаме со прецизна докуменатација за иконите. Ако некогаш било каде се појави некоја од нив ќе можеме да ја идентификуваме и да го докажеме нејзиното потекло“, вели  Палигора.

gopesh4-696x468Лоша е состојбата и со јужниот масивен ѕид изработен од камен, кој со годините е отклонет во горниот дел за околу еден метар.

„Ваквите конструктивни оштетувања доведуваат до деформации на јужниот ѕид и отстранување на меѓукатните конструкции од него. Трулат хоризонталните елементи за фиксирање и нарушена е стабилноста на објектот во јужниот дел. Тоа придонесува  до појава на пукнатини на јужната страна, а во помала мера и на другите делови од објектот“, велат надлежните.

gopesh-proment-e-pokrivot-no-objektot-ima-drugi-konztruktuvni-narusuvawa-696x522Инаку, ова е мајсторско дело во однос на архитектурата и  конструкцијата затоа и без поголеми зафати успеа да опстои до денес. Црквата спаѓа во заштитени добра од  највисока категорија. Ѕидана е од камен , со уникатност во обработка на материјалот и декорација со плитки релјефи на самите камени површини.

/САКАМДАКАЖАМ.МК

НАПИШИ КОМЕНТАР

Your email address will not be published. Required fields are marked *