Рускиот теолог, Сергеј Чапнин, ја коментираше одлуката на Православната црква на Америка да ја признае автокефалноста на МПЦ-ОА. На својата фејсбук страница вели дека нема никаква практична смисла во признавањето на МПЦ и дека повеќе станува збор за политички гест.
Неочекувана приказна. Се испоставува дека Синодот на ПЦА донесува „тајни“ одлуки.
Дури вчера, на Соборот, стана познато дека Синодот на ПЦА официјално ја признал автокефалноста на Македонската Православна Црква (МПЦ). Самата одлука е чудна, но не помалку чудно е и тоа што е донесена на 21 мај и е чувана во тајност до Соборот. Зошто толку тајност? Одлуката е донесена како одговор на барањето на српскиот патријарх Порфириј, кој во април ја посети Москва и се сретна не само со патријархот Кирил, туку и со Путин. Нема никаква практична смисла во признавањето на МПЦ. Повеќе станува збор за политички гест – ПЦА јавно застанува на страната на СПЦ и РПЦ, бидејќи е сосема очигледно дека грчките цркви нема да ја прифатат оваа одлука во нејзината сегашна форма под никакви околности. Хаосот во православниот свет продолжува. И нема никој што разумно би се дистанцирал од него, напиша, Сергеј Чапнин.
