Независниот кандидат за градоначалник на Скопје, поддржан од ТМРО, Алаксандар Рашковиќ го презентираше својот проект за модернизација на зелениот пазар Буњаковец. Рашковиќ вели дека овде ќе биде направен модерен објект, кој освен пазарот ќе биде и простор за занаетчии, но и простор за модерен урбан центар.
-Имаме еден проект за овој прекрасен пазар што е еден од најстарите во Скопје. Еден голем објект, модерен и урбан, меѓутоа ургентно би направиле прво еден спрат кој што ќе биде гаражен простор или паркинг, за да можат да се служат граѓаните со пазарот, вели Рашковиќ.
Според него втората фаза од реализација на овој план предвидува доградба на просторот, но со намена за потребите на граѓаните.
-Втората фаза треба да прерасне во четирикатен објет, каде што првиот спрат ќе биде пазарот, вториот спрат би биле занаетчиите, а третиот спрат би го осовремениле и направиле модерен урбан центар, вели Рашковиќ.
