Почетна Вера Еврејска заедница Премиерот Заев ќе биде покровител на 75 годишнината од холокаустот на Евреите од Македонија
Премиерот Заев ќе биде покровител на 75 годишнината од холокаустот на Евреите од Македонија

Премиерот Заев ќе биде покровител на 75 годишнината од холокаустот на Евреите од Македонија

42
0

Премиерот Зоран Заев ќе биде покровител на одбележувањето на 75 годишнината од Холокаустот на Евреите во Македонија. Заев денеска ја прифатил поканата од Еврејската Заедница на средбата со претседателката на заедницата, Берта Романо-Николиќ, и делегација на Фондот на Холокаустот на Евреите од Македонија, предводена од Горан Садикаријо, извршен директор на фондот.

Следната година на 12 март свечено ќе биде отворена музејската поставка во Меморијалниот центар на Холокаустот во Скопје, која сега е во завршна фаза на обнова.

Премиерот Заев изрази големо задоволство од поканата и рече дека му е чест што ќе може на овој начин, тој, и Владата на РМ, да ја поддржат оваа манифестација и да помогнат околу нејзиното организирање. Во рамките на средбата се отворија и повеќе други прашања од активностите на заедницата и организациите на Евреите во Македонија и беше постигната согласност да се направат сите неопходни чекори за надминување на одредени прашања во врска со спомен обележјата на еврејската заедница, стои во соопштението од Владата.

Инаку во пресрет на најголемиот еврејски празник Јом Кипур, претставниците на двете делегации на премиерот Заев му подариле „мегила“, традиционален еврејски свиток со испишани стихови од Тората, светата книга на Евреите, со порака која вели дека „за чесниот човек надалеку се слуша“.

НАПИШИ КОМЕНТАР

Your email address will not be published. Required fields are marked *