Поглаварот на Македонската православна црква – ОА, Архиепископот г.г. Стефан, без коментар околу наводите дека високи членови на Синодот соработуваат со припадници на руската разузнавачка служба. Тој одлучи да не одговори на новинарските прашања околу евентуални средби на членови на Синодот со руски разузнавачи.
Завчера пак, професорот од институтот за безбедност, Марјан Ѓуровски, на дебата за улогата и влијанието на религијата во современото општество, предупреди на вмешаност на владици-членови на Синодот МПЦ-ОА во шпионажа за незападни разузнавачки служби и ги оцени како безбедносен ризик и закана и за македонската црква внатре, но и за државата.
Тој се повика на веќе изнесени информации од претседателот Стево Пендаровски, директорот на агенцијата за разузнавање и владини претставници добиени од западни разузнавачки служби дека членови на Синодот се соработници на руската разузнавачка служба.
Претходно претседателот Стево Пендаровски изјави дека „членови на Синодот се соработници на руската разузнавачка служба врз основа на сознанија кои се строго доверливи“.
Во септември минатата година македонските власти му изрекоа забрана за влез во државата на Васијан Змеев, кој како претставник на Московската патријаршија, често престојуваше во Македонија.
Во мај минатата година во официјалниот извештај на Советот на американски амбасадори беше како загрижувачко загрижувачкото мешањето на руските разузнавачки служби во политичкиот и општествениот живот на Македонија преку Православната црква и преку операциите за масовно дезинформирање.
/ТЕЛМА
