Почетна Вести Поглаварот на Естонската православна црква се моли за МПЦ
Поглаварот на Естонската православна црква се моли за МПЦ

Поглаварот на Естонската православна црква се моли за МПЦ

599
1

„Секој ден се молам за сите, се молам и за вас, за Македонија и Македонците. При моите литургиски чиночествувања редовно го спомнувам и името на поглаварот на Македонската православна црква-Охридска архиепископија г.г.Стефан кој се наоѓа на мојата листа/диптихот на Естонската помесна црква„ .

Ова го изјавил поглаварот на Естонската православна црква – Московска патријаршија, митрополитот Талински и на цела Естонија, Корнелиј на средбата што за  денот на независноста на Естонија ја имал со македонскиот калиграф и директор на Скрипториумот на Летонската христијанска академија Георги Гоце Дуртаноски. Во соопштението за средбата пишува дека Дуртаноски го запозна Неговото Високопреосвештенство со неговите активности во промоција и заштита на светското ракописно наследство и одделот на Академијата кој го раководи во соседна Летонија, воедно пренесувајќи искрени поздрави до Естонската православна црква – Московска патријаршија од братскиот православен народ од Македонија и дијаспората обединет во Македонската православна црква – Охридска архиепископија кој оваа година ја одбележува 1100 годишнината од успокојувањето на патронот Свети Климент Охридски.

За архиепископскиот кабинет и библиотеката на митрополитот Корнелиј, Дуртаноски подари реплика на македонски ракопис/Бенчевското четвороевангелие од 16 век, книги од богатото христијанско наследство со икони и фрески од Македонија, македонскиот превод на Светото писмо-Библијата, македонска духовна музика и сребрена монета со ликот на Александар Македонски од Музејот на Македонија.

Поглаварот на Естонската православна црква – Московска патријаршија, митрополитот Талински и на цела Естонија, Неговото Високопреосвештенство г. Корнелиј срдечно се заблагодарил за посетата на Дуртаноски, го благослови неговиот ангажман за христијанско и славјанско единство возвраќајќи со книги од издаваштвото на Естонската православна црква.

На средбата со Корнелиј присустувал и проф. д-р Љубов Кисељова која како соработник на митрополитот Корнелиј имала клучен удел во подготовката на руската редакција на неговите мемоарски записи.

Поглаварот на Естонската православна црква – Московска патријаршија, митрополитот Талински и на цела Естонија, Корнелиј е роден како Вјачеслав Васиљевич Јакобс,  на 19. јуни 1924 година во Талин во семејство на руски официр кое пребегало во Естонија непосредно по Октомвриската револуција во Русија. Се школувал во Естонија и Русија.

По советската окупација на Естонија бил осуден на 10 годишна затворска казна за анти-советски идеолошки погледи и за поседување на верска литература и контакти со верници. Половина од затворската казна ја поминал во познатиот камп за политички осуденици Дубравлаг.

Рехабилитиран е во 1988 година. Назначен е за поглавар на Естонската православна црква – Московска патријаршија од страна на рускиот патријах Алексеј Втори во 1990 година, кој исто така е роден во Талин и со кого се познаваат уште од раното детство.

Автобиографските сеќавања (Мемоари) ги објавил пред неколку години под наслов „По мојот пат„.

Митрополитот Талински и на цела Естонија, Неговото Високопреосвештенство г. Корнелиј е најстариот владика на Руската православна црква Московска патријаршија, кој за неколку месеци ќе наполни 93 години. Важи за еден од најценетите духовници во православниот свет кој целосно е посветен на верската чистота на црквата и работи за нејзино единство.

Инаку , македонскиот калиграф и директор на Скрипториумот на Летонската христијанска академија Георги Гоце Дуртаноски одржал и предавање на Талинската школа за калиграфија за старите глаголични и кирилични ракописи од Македонија.

Коментар(1)

НАПИШИ КОМЕНТАР

Your email address will not be published. Required fields are marked *