Европскиот митрополит Пимен беше во неколкудневна канонска посета на црквите на МПЦ-ОА во Хрватска и во Словенија, преди и по чествувањето на Успението на Пресвета Богордица.
Првите посети беа во црковната општина „Св. Цар Константин и Царица Елена“ во Риека, акде Пимен служеше за Богородица. Од Риека ја посети црковната општина „Св. Јоаким Осоговски“во Пула. Таму беше одбележана и црковната слава, но и 30 години од основањето на оваа црковна општина со Света Архиерејска Литургија, на која чиноначалствуваше митрополитот Европски Пимен.
-По молитвите на св. Јоаким Осоговски ете нѐ веќе 30 години и во Пула како сведоштво на македонскиот идентитет и православна вера!, нашиша Пимен на Фејсбук.
-Овој благословен настан претставува духовен врв во животот на нашата заедница во Пула, која веќе три децении е дом и прибежиште за многу Македонци, зачувувајќи ја верата, традицијата и единството. На многу години!, велат од црковната општина на МПЦ-ОА од Пула.
Настанот беше збогатен со културно уметнички дел, во кој младите членови во традиционални македонски носии изведоа ора и песни, внесувајќи дух на радост, гордост и единство меѓу сите присутни.
-Преку оваа прослава уште еднаш се потврди значењето на духовното и културното обединување на Македонците во Република Хрватска, како и заложбата за зачувување на верата, традицијата и националниот идентитет далеку од татковината, велат од МПЦО во Пула.
Во храмот на Македонската Православна Црковна Општина „Св. Климент Охридски“ во Љубљана пак беше отслужена света архиерејска Литургија и призив на Светиот Дух за благословен почеток на новата учебна година.
