Почетна Вести Христијанство Пендаровски: Во дијалогот за статусот на МПЦ-ОА треба да биде консултиран новиот српски патријарх
Пендаровски: Во дијалогот за статусот на МПЦ-ОА треба да биде консултиран новиот српски патријарх

Пендаровски: Во дијалогот за статусот на МПЦ-ОА треба да биде консултиран новиот српски патријарх

213
0

Претседателот на државата Стево Пендаровски во вечерашното гостување на телевизијата „Сител“ изјави дека не може да каже што разговарал со вселенскиот патријарх Вартоломеј, но оти за деталите од разговорот, го информирал врвот на МПЦ-ОА.

– Можам да кажам дека станува збор за процедура во која ќе се почитуваат црковните правила, дека Вселенската патријаршија е неспорно органот, кој дава Томос за независност. Дали и кога тоа ќе се случи зависи од нив. Има еден нов момент кој ми го објасни вселенскиот патријарх. Сега СПЦ, од каде доаѓа спорот со МПЦ-ОА, од каде ние треба да се оттргнеме за да добиеме автокефалност, има нов патријарх и во дијалогот треба и тој да биде консултиран. Понатаму, ќе ме разберете, не можам да коментирам, рече Пендаровски.

Тој нагласи дека со Бугарската православна црква нема проблем, туку со СПЦ.

– Но, она што го знам од врвот на МПЦ-ОА, е дека откога е побарана помош до денес БПЦ нема мрднато со прст да ни помогне, потенцира Пендаровски.

НАПИШИ КОМЕНТАР

Your email address will not be published. Required fields are marked *