Архиепископот Стефан не се сретна со Папата Франциск денеска во Ватикан, иако беше предвидена првата официјална посета на поглаварот на МПЦ-ОА. Причината е здравствената состојба на Папата, кој од саботата е со симптоми на настинка и за денеска ги откажал сите предвидени активности.
Неофицијалните информации на Религија.мк, велат дека постои можност средбата сепак да се случи утре, доколку Папата се чувствува подобро. Македонсата црковна делегација утре сепак ќе отслужи молебен за денот на упокојувањето на Свети Кирил во црквата Сан Клементе во Рим.
Веста за одложените средби на Папата ја објави „Ватикан Њуз“.
Поради постојани, благи симптоми слични на грип, папата Фрањо ја откажува аудиенцијата во понеделник. Лесните симптоми слични на грип продолжуваат. Нема треска. Меѓутоа, како мерка на претпазливост, аудиенцијата на папата Франциско утринава е суспендирана“, објави во понеделникот Канцеларијата за печат на Светата столица.
Иако папата Франциско ја откажа саботната аудиенција поради благ грип, Светиот Отец во неделата го одржа своето неделно обраќање Ангел Господов за верниците на плоштадот Свети Петар. Следниот јавен настан на папата Франциско се очекува да биде неговата неделна Генерална аудиенција со верниците во среда наутро во салата Павле VI во Ватикан, пишува „Ватикан Њуз“.
