Папата Франциск вели дека неговата овонеделна посета на Обединетите Арапски Емирати испишала нова страница во историјата на дијалогот меѓу христијанството и исламот и во промовирање на светскот мир заснован на братство.
„Во време како што е нашето, во кое постои големо искушение да се види конфликт меѓу христијанската и исламската цивилизација, па дури религиите да се гледаат како извор на конфликт, сакавме да испратиме уште еден јасен и решителен сигнал дека средба и разбирање се можни“, им рече папата на верниците во Ватикан зборувајќи за првата посета на еден папа на Арапскиот Полуостров, пренесува агенцијата „Ројтерс“.
Додека престојуваше во Абу Даби, папата потпиша документ со големиот имам на египетската џамија Ал Азхар, Ахмед ел Тајеб, со кој се осудува верски мотивираното и секое друго насилство.