Папата Лав XIV. во средата го повика Израел да дозволи хуманитарна помош во Газа, нарекувајќи ја ситуацијата во палестинската енклава „сè позагрижувачка и тажна“.
– Го повторувам мојот усрдлив апел да се дозволи влез на чесна хуманитарна помош и да се прекинат борбите, за кои децата, старите лица и болните плаќаат катастрофална цена – рече Папата на својата прва неделна аудиенција на плоштадот Свети Петар.
Лав, поранешен кардинал Роберт Превост, беше избран за поглавар на Католичката црква на 8 мај како наследник на папата Франциск. Тој ја спомена ситуацијата во Газа во неколку наврати во првите недели од неговиот понтификат. Апелот дојде на крајот од аудиенцијата на Папата, кога тој додаде неколку зборови на својот подготвен текст. Папата не го спомена конфликтот помеѓу Украина и Русија.
Во својата прва неделна порака на 11 мај, новиот папа повика на итно прекинување на огнот и ослободување на сите израелски заложници што ги држи милитантната група Хамас.
