Папата Франциск смета дека потребата од реформирање на Обединетите нации е повеќе од очигледна откако пандемијата „Ковид-19“ и војната во Украина ги открија нејзините граници. Тој истакна дека руската инвазија на Украина во февруари ја истакна потребата да се осигура дека сегашната мултилатерална структура, особено Советот за безбедност на ОН, ќе наоѓа поагилни и поефикасни начини за решавање на конфликтите.
-Во време на војна, од суштинско значење е да се потврди дека ни треба повеќе мултилатерализам и подобар мултилатерализам“, но ОН повеќе не се погодни за „новите реалности, изјави Папата за дневниот весник Ла Стампа.
-Организацијата е основана за да спречи повторно да се повторат ужасите од двете светски војни, но иако заканата што ја претставуваа тие конфликти сè уште беше жива, денешниот свет повеќе не е ист, рече Френциск.
Потребата од овие реформи стана повеќе од очигледна по пандемијата кога сегашниот мултилатерален систем ги покажа сите свои граници, додаде тој, кој ја осуди нееднаквата дистрибуција на вакцините како „еклатантен пример“ за законот на најсилните кој преовладува над солидарноста.
Папата, исто така, предложи да се гарантираат храна, здравствени, економски и социјални права на кои меѓународните институции ќе ги засноваат своите одлуки.