Почетна Вести Панихида за загинатите припадници на МВР во Куманово
Панихида за загинатите припадници на МВР во Куманово

Панихида за загинатите припадници на МВР во Куманово

162
0

panihida 1Во Соборниот Храм Свети Никола во Куманово денеска во организација на граѓани од населбата „Тоде Мендол“ се одржа панихида за осумте бранители кои животот го загубија при антитерористичката акција на МВР во кумановско „Дива Населба“.

На панихидата присуствуваа жители на „Дива Населба“, бранители, членови на Здружението бранители од 2001, претставници од политичките партии, пратеници, локалната власт, граѓани на Куманово… кои им изразија почит на загинатите припадници на специјалните единици на македонската полиција.

Имињата на македонските херои, Љубиша Аранѓеловиќ, Бобан Ивановиќ, Горан Илијевски, Жарко Кузмановски, Исамедин Османи, Сашо Самојловски, Ненад Серафимовски и Горан Стојменовиќ, беше речено на панихидата, никогаш нема да бидат заборавени.

– Се собравме овде да им оддадеме почит за нашите бранители кои го дадоа животот за нашата Македонија,нема да ги заборавиме, вечно ќе живеат во нашите срца, рече Миле Петларски, граѓанин на „Дива Населба“.

Петларски истакна дека на оваа парче земја има место за сите нас, без разлика на верата и националноста и истакна дека треба да живееме во заедништво и слога. Нагласи дека на панихидата се поканети сите без разлика на националната, политичката, верската… определба.

Љупчо Гиевски, пак, жител на „Абдул Прешева“ улица од „Дива Населба“, рече дека и сега и претходно немале никакви проблеми со соседите од албанска етничка заедница, дека живеат во мир и слога. Се присети на настаните од 9 мај и посака никогаш да не се случат

МИА

НАПИШИ КОМЕНТАР

Your email address will not be published. Required fields are marked *