„Климата е позитивна од сите страни, а посредничката улога на Вселенската патријаршија е особено важна за сите страни да седнат на маса и да го започнат дијалогот“, е заклучокот од досегашните контакти што ги имаше делегацијата на Вселенската патријаршија во Киев, со претставниците на православните цркви.
Според добро упатени извори кои разговарале со orthodoxtimes.gr, делегацијата – која ја сочинуваат Архиепископот Винипегски г. Иларион, митрополитот Писидиски г. Јов и патријаршискиот ѓакон г. Епифаниј – на сите свои средби се соочи со позитивна клима.
Сепак, тешкотијата лежи во покажаната неподготвеност досега сите страни да седнат на маса да разговараат, без да поставуваат услови и ограничувања.
„Напорот и желбата на Вселенскиот патријарх е да ги обедини сите православни во една црква во Украина. Со овој мандат се наоѓа делегацијата во Киев. Да се сретнеме со сите страни и да разговараме не само за црковните прашања, туку и за односите на државата со Црквата, за тоа што се случува во украинското општество, за потребите на граѓаните. Досега секаде атмосферата на која наиде делегацијата беше позитивна“, вели изворот на orthodoxtimes.gr.
Истите извори ги демантираат информациите кои говорат за лоша атмосфера на средбата на делегацијата на Вселенската патријаршија со митрополитот Онуфриј и нагласуваат дека кога се води дијалог потребно е време да се видат плодовите од разговорите. Некои ја искористија приликата што веб страната на митрополитот Онуфриј по средбата не излезе со соопштение, за да тврдат дека средбата поминала во лоша атмосфера. Не е вистина, Митрополитот Онуфриј и неговата придружба срдечно ја пречекаа делегацијата на Вселенската патријаршија, велат истите извори.
Карактеристично е, како што произлегува од луѓето кои се блиски до дискусиите, дека кога се води дијалог, потребно е време да се оцени дали бил конструктивен и дека во никој случај не треба да се откажува обидот за дијалог бидејќи може да потрае некое време пред да се видат позитивните резултати.
Зборувајќи со orthodoxtimes.gr, луѓе со познавање на разговорите ја нагласуваат важноста на посетата на делегацијата на Киев, а особено на средбата со митрополитот Онуфриј.
Како што нагласуваат, по шест години во кои немаше контакт или средба на митрополитот Онуфриј со ниту еден претставник на Вселенската патријаршија, првпат бевме официјално пречекани. „И средбата помина во многу добра, топла атмосфера. Секој зборуваше отворено и го кажуваше своето мислење“, подвлекуваат тие.
На прашањето на orthodoxtimes.gr за односите на Украинската православна црква со Московската патријаршија и дали имало некаква дискусија за ова прашање, истите извори нагласуваат дека страната на митрополитот Онуфриј тврди дека ги прекинала сите контакти со Москва. Самиот митрополит Онуфриј беше отворен за Мајката Црква (заб. ред. Вселенската патријаршија) и за можен дијалог.
Во однос на контроверзниот предлог-закон 8371, се чини дека страната на Онуфриј не е загрижена. „Законот забранува верски центри со седиште во странство да работат во Украина. Нашето седиште е во Киев, немаме односи со странски центри, тоа не нѐ засега“, нагласиле од страна на Украинската православна црква, според извори кои разговарале со orthodoxtimes.gr.
Идентификуваниот проблем е тешкотијата во разговорот еден со друг. И тука доаѓа многу важната улога на Вселенската Патријаршија, онаа на посредник.
На orthodoxtimes.gr знае дека со Автокефалната Православна Црква на Украина на Митрополитот Епифаниј, немало суштински прашања за разговор, бидејќи пред само една недела делегација на Црквата предводена од г. Епифаниј го посети Фанар. Значи, тоа беше братска посета.
По однос на средба со почесниот „Патријарх“ и поранешен митрополит Киевски г. Филарет, изворите наведуваат дека средбата се одржа повеќе за да се слушне неговото мислење за целокупната ситуација во украинското општество. Господинот Филарет жали што денес нема единство во Православната Црква. Тој смета дека единствениот пат до единство е повторно да има обединителен собор, но овојпат да биде црковно-народен, со претставници и на свештенството и на мирјаните и сите да гласаат за Претстојател кој ќе биде признат од сите страни.
Упатените извори на orthodoxtimes.gr велат дека „за да може да се води искрен дијалог меѓу сите страни во Украина, мора да има клима на мир и љубов. Сè уште има реакции, но за да има дијалог мора да има позитивна атмосфера и доверба“.
Додаваат дека генерално сите се отворени за дијалог, но сепак имаат тешкотии да разговараат меѓу себе. Затоа улогата на Вселенската патријаршија како посредник е многу важна и мора да биде поврзана со сите страни.
За сето тоа е потребно време. „Нашата цел е православните цркви во Украина да се сложуваат меѓу себе. Тоа не може да се направи преку ноќ, 30 години имаше ривалство меѓу православните во Украина. Ова не може да се остави настрана преку ноќ“.
/orthodoxtimes.gr Пишува: Ефи Ефтимиу
