Брајчино, Наколец, Ѕвегор, се само дел од примерите каде изградба на верските објекти не преставува никаков проблем и каде несебична помош даваат и христијаните и муслиманите.
Малкумина знаат дека на табла во манастирот Света Петка над Брајчино се испишани имиња на муслимани од ресенско, кои на еден или на друг начин помогнале, за уредување на просторот во и околу манастирот.
Во Наколец, пак каде живеат доминантно муслиманско население, заеднички е изградена црквата Свети Никола која до 70-тите години на минатиот век била потопена во Преспанското Езеро.
Ѕвегорци во делчевско, бараат начин како да го зачуваат минарето од некогашната џамија на Турците, кои по 1956 масовно се отселиле во Турција, истовремено и да го уредат просторот кој речиси и да го делат новата Црква и остатоците од старата џамија.
Темата за изградба на верските објекти, за нивната улога, за тоа дали се маркери на нечија територија ја обработува осмата епизода од серијалот „На Иста Страна“. Заеднички без проблеми за тоа зборуваат, Отец Ивица Тодоров од МПЦ-ОА и Ефенди Фатмир Заими од ИВЗ.
Откријте каде се корените за верската коегзистенција во Македонија?
Погледнете ја осмата епизода од серијалот На Иста Страна!
