Министерството за труд предупредува: Во градинките забрането верско организирање
Министерството за труд и социјална политика испратило допис до Јавните установи за деца-детски градинки во кој потсетува на одредби од Законот за заштита на децата.
-Имено, Министерството за труд и социјална политика ги потсетува градинките на одредбата од Законот за заштита на децата (член 12, став (4) ) со која „се забранува злоупотреба на децата поради политичко или верско организирање и дејствување“, а која одреба треба да биде спроведена од нивна страна. При тоа, Министерството ги извести Јавните установи за деца-детски градинки дека доколку се инволвираат деца од установите во политичко или верско организирање, согласно со член 228, став (1, алинеја еден од Законот), истото преставува прекршок за кој е предвидена глоба и кој гласи:
„Глоба во износ од 1.000 евра во денарска противвредност ќе се изрече за прекршок на установа за деца, на детска градинка/центар за ран детски развој, организациона единица основана од страна и во состав на правни лица, високообразовна установа и на приватно училиште и на агенција за давање услуги за чување и нега на деца од предучилишна возраст возраст“, стои во соопштението од министерството.
Вистинска злоупотреба е всушност забраната за децата од сите возрасти да добијат изворно знаење за Бога во градинка и на училиште преку едноставната православна веронаука и креативните и инетрпретативни уметности поврзани со неа. Таа забрана е вградена во македонските закони, со усрдно залагање на современите наследници на некогашните комунисти (барем да им беа достојни наследници, ќе имаше некоја смисла). Значи, Министерството за образование само ја допотврди својата духовна деозриентираност и состојбата на аксиолошко-етичка кома во коај структурите на власт се обидуваат да го втурнат целото македонско општество.