Медиумите во регионот и во Македонија го „умреа“ Митрополитот Амфилохије

Голем дел од медиумие во регионот, претежно интернет портали, меѓу кои и македонски медиуми, кои за себе тврдат дека се професионални, вечерва пренесуваат лажна вест со која го „умреа“ црногорско-приморскиот митрополит г. Амфилохије.

Веста тргна од некои цркогорски медиуми, повикувајќи се на „свои извори“, но подоцна се рашири, без каква било проверка и од некои македонски медиуми.

Дел од српските медиуми кои ја пренесоа веста, како новости.рс се извинија.

Веста мораше да ја демантира и Митрополијата со која раководи г. Амфилохије, посочувајќи дека неговата здравствена состојба не е променета од утрово, кога поради коронавирусот имал отежнато дишење.

-Состојбата на Митрополитот не е променета од утрово и тој не е приклучен на респиратор, туку користи кислордона поддршка. Неговата здравствена состојба се влоши поради воспаление на белите дробови. Сепак, веруваме дека митрополитот е силен и ќе го надмина ова. Нашите мисли се со него и се молиме за него, велат од митрополијата.

Амфилохије како позитивен на Ковид 19 беше евидентиран на 6 октомври. Има 82 и со тоа спаѓа во ризична група.

Поврзани написи:

Српскиот и Рускиот патријарх се сретнаа на англиска земја Дачиќ бара СПЦ на Косово да добие статус како Света Гора во Грција Синодот на Грчката Црква прогласи ден на нероденото дете Црквите во Грција пред Велигден затворени за верниците