Почетна Вести Христијанство Манастирскиот комплекс Балаклија најпосетувано туристичко место во Делчево
Манастирскиот комплекс Балаклија најпосетувано туристичко место во Делчево

Манастирскиот комплекс Балаклија најпосетувано туристичко место во Делчево

149
0

Манастирскиот комплекс „Св.Богородица Балаклија“ е најпосетено туристичко место во Делчево. Најмногу гости има за викенд, но комплексот е полн и во текот на работните денови.

– Се грижам да биде чисто за гостите кои доаѓаат најмногу од Бугарија и од нашата држава, но и за туристите од други земји. Секоја ден има гости, но најмногу од странство и најмногу во недела, вели домаќинот Љупчо Ристов, кој веќе 15 години се грижи за хигиената во комплексот.

Она што му фали на комплексот се маси и столчиња, а Ристов апелира до надлежните да помогнат.

– Пред некој месец имавме донација од гимназијата во Делчево, која ни донираше неколку клупи и маси, но потребни ни се повеќе. Оние кои ги имавме, веќе се стари и мора да се обноват, вели Ристов.

Комплексот „Св.Богородица Балаклија“ се наоѓа на еден километар од Делчево во правец кон планината Голак. Изобилува со убава природа, а во негова близина изграден е манастир, под кој на 50 метри, според верувањата на мештаните, тече лековита вода.

НАПИШИ КОМЕНТАР

Your email address will not be published. Required fields are marked *