Традиционално, во пресрет на Курбан Бајрам, македонската заедница во Измир, Турција, го одбележува празникот со македонска музика, игра и дружење.
Но, прославата започнува уште пред самото чествување – македонските музичари со музика се подготвуваат да го дочекаат празникот на најавтентичен начин.
Оваа убава традиција датира уште од 1990-тите години и се практикува во рамки на Здружението „Скудриње“ и во просториите на Дебарската џамија во Измир. Таму, со многу љубов и музика, се негува македонскиот дух и се чува врската со корените, дури и далеку од татковината.
