Со поддршката кон Москва, МПЦ го ризикува своето признавање од Вселенската патријаршија.
Николај Крастев, новинар од Софија и добар познавач на геополитичките услови, вели дека одлуката на македонската црква отвора многу дилеми во православниот свет.
„Иако е во исчекување на томосот за нејзината автокефалност, МПЦ реши да ја изрази поддршката за Украинската православна црква, која е дел од Московската патријаршија, потег што отвора многу прашања за нејзиното место во православниот свет“, изјави тој за Инбокс7.
Овој потег, според него, „несомнено ќе ги оштети плановите на МПЦ за добивање на долгоочекуваниот документ, со кој ќе стане рамноправна во семејството на православните цркви“.
„Со овој чекор, таа директно се нареди на страната на Руската црква и зазеде позиција против Вселенската патријаршија“, рече Крастев.
Со признавањето на проруската Украинска православна црква, предводена од архиепископот Онуфриј, црквата во Скопје ризикува да не го добие томосот за автокефалност од Вселенската патријаршија, која е позиционирана против руското влијание преку религијата. Истовремено, со оваа одлука ја игнорираше Православната црква на Украина (ПЦУ), која е единствената црква овластена од државата за организирање на религиозниот живот. Всушност, во 2019 година оваа црква доби автокефалност од Вселенската патријаршија со седиште во Истанбул.
Поради нејзината блискост со Русија, проруската црква беше забранета од украинскиот парламент во август 2024 година. Пред почетокот на војната беше наречена Украинска православна црква на Московската патријаршија. Меѓутоа, по почетокот на руската агресија во февруари 2022 година, таа прогласи лажна „независност“ од Москва со цел да ја прикрие нејзината руска агенда во „црковната дипломатија“.
Влегувајќи во оваа расправија меѓу двете центри на Источното православие, Красев истакнува дека МПЦ станува заложник во процес чиј исход не е јасен.
„Постои сомнеж дека МПЦ влегува во играта на Московската и Српската патријаршија на Балканот, спротивставувајќи се на Вселенската патријаршија“, вели тој.
Според него, ова директно соочување на МПЦ со Вселенската патријаршија ќе го одложи сериозно добивањето на томосот за нејзиното признавање.
Крастев смета дека се води сериозна црковна дипломатска игра, во која двете православни центри се борат за важна позиција во украинското прашање.
Целиот текст прочитајте го ОВДЕ
Очигледни се очајот и фрустрациите на креаторите и промоторите на новокомпонираната ситуација во Украина на црковно-политички план. Тој очај го покажува распоредот на силите de facto: земната, јуридичка (иако и таа е спорна) власт на “великите” фанариоти од една страна и мистичната, непоколеблива власт на гонетите заради Името Христово и дарот Божји од друга. Бидејќи од мистичен аспект ниту навидум големите се навистина големи и силни ниту навидум малите се навистина мали и слаби.
Tomosot od Vselenskata Patrijaršija MPC nema nikogaš da go dobije pa pravela nešto ili ne. Vselenskata Patrijaršija sega go gubi svojot značaj bidejki se stava vo služba na Vatikan i NATO pod čij pritisok nepravedno ja i prizna Ukrainskata crkva so cel da ja oslabi ulogata na Moskovskata Patrijaršija. Taa sega e sluga na NATO i Vatikan i zagovornik na eresta ekumenizam. Taa sega ima etetička uloga kon Pravoslavieto i na MPC ne i e voopšto potrebno nitu njezino priznavanje, nitu nikanov tomos. Taa e odamna vo služba na Đavolot, Sotonata i taka so decenii se odnesuva kon MPC.
i kaj mirjani i kaj klir sto imaat zaednicko nasilstvoto i ljubovta,neznaenjeto,mrakot i svetlinata?
Slava na Gospod za se i za site.