Кандидатот за градоначалник на Општина Битола, Тони Коњановски, оствари средба со лица со атипичен развој и со граѓани од социјално загрозени категории, на која, како што изјави, се водела искрена и отворена дискусија за нивните секојдневни предизвици
-Остваривме значајна средба со лица кои се со голема душа, срце и отворена мисла. Ги слушнав нивните приказни, проблеми и предлози за тоа како да се подобрат условите за нивно непречено функционирање, истакна Коњановски.
Тој додаде дека само преку директна комуникација може да се создадат вистински решенија кои ќе одговорат на потребите на сите граѓани.
-Како градоначалник, но пред сè и како човек, останувам посветен на тоа Битола да биде град во кој секој човек ќе се чувствува прифатен, поддржан и вреднуван, порача Коњановски.
