Денешното доаѓање на Вселенскиот патријарх Вартоломеј на Крит и неговата изјава дека очекува сите православни цркви утре да допатуваат со своите делегации, во спротивно нивна ќе биде историската одговорност, практично е почеток на деновите во кои по 1200 години ќе се одржи Собор на православните цркви.
Можеби тој нема да биде Сеправославен, но во историјата ќе биде запишан како историски настан.
Соборот официјално почнува на 17 јуни и ќе трае до 26 јуни. Утре е денот за пристигање на официјалните делегации и гости кои ќе учествуваат на Соборот.
Вартоломеј на аеродромот на островот Крит, беше пречекан со сите почести, вклучувајќи и воена гарда, државни претставници и митрополити на Црквата на Кипар.
Фотогалерија и видео од пристигнувањето на Вартоломеј на Крит.
/РЕЛИГИЈА.МК
ГАЛЕРИЈА:
