Почетна Вести Ислам ИВЗ: Мухамед Зеќири и политиката, подалеку рацете од Исламската Верска Заедница
ИВЗ: Мухамед Зеќири и политиката, подалеку рацете од Исламската Верска Заедница

ИВЗ: Мухамед Зеќири и политиката, подалеку рацете од Исламската Верска Заедница

108
0

Исламската верска заедница, преку Ријасетот и муфтиите реагираат на изјавата на пратеникот Мухамед Зекири, која се однесуваше на последниот случај со говорот на Поглаварот. Муфтиите бараат политиката да остане подалеку од ИВЗ.

Во продолжение целото писмо потпишано од муфтиите на ИВЗ.

Муфтиите на Муфтиствата на Исламска Верска Заедница на Република Северна Македонија, најострого реагираат на изјавата на Мухамед Зеќири, пратеник и заменик претседател на СДСМ за клеветите и шарените невистини и небулози искажани во однос на имамите и членовите на највисоките тела и органите на ИВЗ.

Вистината секогаш е во спротивно со изнесената тешка невистина, и затоа без да сакаме да влеземе во некоја непродуктивна дебата, апелираме кај секој назначен функционер на јавна функција, свесно да си ги изработи своите должности и ветувања кон граѓаните и институциите.

Поради овој факт, сакаме да го потсетиме пратеникот Зеќири дека пред да се занимава со внатрешното уредување на ИВЗ, дека ИВЗ е уставна категорија во државата, докажана со своето работење и делување. Тој како дел од владините структури и раководител на државни институции треба да почне да ги решава проблемите за кои со години не добиваме одговор, а сега како функционер е должен и да ги решава истите.

Наместо тоа, вие ја предводите хајката против ИВЗ и Реисот во која што сте ги вклучиле и Обвинителството, Хелсиншкиот Комитет и медиумите. Исто така, постојат озбилни сомненија дека вие соработувате со пучистите што ја нападнаа ИВЗ и се сретнувате со нив во владини простори.

Поради тоа што си медресант, ние муфтиите сме потресени од твојот однос и ќе размислиме да ја поништиме дипломата добиена во Медресе. А за да имаш појасна слика за проблемите со кои се соочуваат твоите поранешни колеги медресанти, те потсетуваме-

– Медресето Иса Бег, и понатаму не е акредитирана од Министерство за образование како средно училиште, а твоите колеги медресанти после завршување се соочуваат со затворени врати од нашите универзитети и тоа е голема штета не само за медресето туку и за целото муслиманско општество во РСМ.

– Со години стои нерешен проблемот со голем број џамии во земјата како Јени Џамија во Битола, Хусамедин Џамија во Штип, Орта Џамија во Струмица, Чарши Џамија во Прилеп, Алипашина Џамија во Охрид, који и покрај соодветни документи со кој може да се потврдува сопственоста, не и се враќаат на ИВЗ.

– Продолжува децениска битка за изградба на џамија во село Лажец, битолско, каде што муслиманите, иако со ист број со православните верници во тоа село, немаат џамија, а во селото има две цркви.

– И покрај тоа што ова година “славевме” 20 години процес за денационализација, барањата на ИВЗ и натаму не се процесираат во законски рокови и со тоа нас ни се прави голема штета.

– Крстовите на Саат Кулите во Прилеп и Битола, продолжуваат да зборуваат за една дискриминаторска политика на овие институции кон нас. Време е да размислите како да се отстранат истите.

– Разни државни институции продолжуваат да создаваат секојдневни вештачки проблеми што за нас претставува провокација.

– На сите верски уставни заедници, државата им обезбеди место за резиденција, ИВЗ уште ја чека истата.

Тоа се само дел од секојдневните проблеми со кои ние се соочуваме секој ден, секоја година, секоја деценија, и на место непродуктивни критики преку јавните медиуми, Ваше е, да почнете да превземате активности за подобрување на меѓуетничката и меѓуверската кохезија и развивање на демократските и граѓанските вредности во РСМ.

Овие проблеми се дел и од ветувањата на оваа реформска Влада во која и вие имате значителна улога.

За крај, Ваше е, наместо критики, да почнете со работа и да ги решавате и овие проблеми кои ги тангираат сите муслимани во земјата. Се друго е дневно политичко профитерство од кое ние се оградуваме. А ние како муфтии на муфтиствата на ИВЗ, го подржуваме до крај Реис ул Улема х. Сулејман еф. Реџепи бидејќи тој е докажана личност во земјата и надвор од неа, носител на голем број признанија и пофалби за неговата конструктивна работа во правец на унапредувањето на состојбата на муслиманите и на верскиот живот. Ние, исто така цврсто ја подржуваме ИВЗ како единствена институција што се грижи за организирање на исламскиот живот во РСМ со посебна пожртвуваност и убедување.

/ИВЗ

НАПИШИ КОМЕНТАР

Your email address will not be published. Required fields are marked *