Историска средба на папата со големиот имам на Ал Азхар

Папата Франциско денеска имаше историска средба со големиот имам на Универзитетот Ал Азхар во Египет, шеик Ахмед ал Тајеб, по повеќедецениските тензични односи меѓу двете религиозни институции, соопшти Ватикан.

Папата Франциско и шеикот Ал Тајеб одржале 25-минутна средба во личната библиотека на понтифот, а потоа имамот и членовите на неговата делегација разговараа со кардиналот задолжен за меѓурелигиски дијалог.

– Пораката од нашата средба е самата средба, посочи папата.

Тоа е прва таква средба во Ватикан. На 24 февруари 2000 година папата Јован Павле Втори го посети тогашниот голем имам на Ал Азхар, шеик Мохамед Сејед Табтави во Каиро.

Поврзани написи:

РОМАНСКА ПАТРИЈАРШИЈА: Мора да покажеме единство, но и општа одговорност Руската православна црква бара да се изучува прогонот на Христијаните во Комунизмот НОВИ ИСКРИ ВО ПРАВОСЛАВИЕТО: Украина е канонска територија на Вселенската Патријаршија Ватикан интензивно се подготвува за најзначајната канонизација