Жената која во Иран јавно протестираше против носењето хиџаб, осудена е на една година затвор , изјавија денеска нејзините адвокати. Вида Мохаведи беше уапсена во октомври минатата година , зашто со непокриена глава се појавила на централниот плоштад во Техеран , мафтајќи со шамијата и со црвени балони.
Таа е обвинета за поттикнување на корупција и разврат , па на 2. март е осудена на една година затвор, соопшти денеска нејзиниот адвокат .
Вида , која е мајка на двегодишно девојче, протестираше и кон крајот на 2017 и стана симбол на отпорот на Иранките , кои се обидуваат да се спасат од стегите на строгиот закон во оваа сега Исламска , а пред 50 години секуларна држава.
Тогаш Вида , како и десетици други Иранки беше казнета со парична казна , но сега судот ја осуди на една година затвор.